Uşaqlar, pensiyaçılar, əlilliyi olanlar, əmək qabiliyyəti olmayan şəxslər, işsizlər dövlət tərəfindən icbari tibbi sığorta olunacaq.
Aveto.az xəbər verir ki, bu fikirləri Maliyyə naziri Sahil Babayev Milli Məclisin bu gün keçirilən plenar iclasında 2026-cı il dövlət büdcəsinin müzakirəsi zamanı deyib. Onun sözlərinə görə ilk dəfə olaraq qanunda göstərilir ki, işsizlər də dövlət tərəfindən sığortalanacaq.
Nazir bildirib ki yalnız işləyən, gəliri olan və onu gizlədən, qeyri-formal məşğul olanlar bu prosesdən kənarda qalacaq. Nazir tibbi sığorta ilə bağlı qeyri-formal məşğul şəxslərin necə müəyyənləşdiriləcəyini də açıqlayıb.
Müzakirələrdə çıxış edən Əmək və əhalinin sosial müdafiəsi naziri Anar Əliyev 2018-2025-ci illərdə Azərbaycanda minimum pensiya məbləğinin 2,9 dəfə artdığına diqqət çəkib. Sosial müavinət və təqaüd ödənişlərində biz 5 dəfə artıma nail olmuşuq. Yəni 400 milyon manatdan 2026-cı ildə 2 milyard manat xərcə gəlib çıxmışıq", - deyə o qeyd edib.
Bu ilin sonuna qədər Azərbaycanda şəhid ailələrinin və qazilərin mənzillə təmin edilməsi üçün 400-ə yaxın ev alınacağı da bildirilib.
Daha ətraflı "Xəzər Xəbər"in videomaterialında:
Comments